KMCadmin

புற்று நோய்

“புற்று நோய் அறிகுறிகள், தவிர்க்கும் வழிமுறைகள் “

(Cancer Symptoms and Ways to reduce Cancer risk)

சப்தமில்லாமல் நம் உடலில் உருவாகி, கொஞ்சம் கொஞ்சமாக நம்மை இறப்பின் வாயிலுக்கு அழைத்துச் செல்லும் நோய்களுள் புற்று நோயும் ஒன்று. இது வந்து விட்டால் இறப்பு உறுதிதான் என்ற நிலை மாறி, அதற்கான சிகிச்சை முறைகள் வந்து விட்டாலும், மக்களிடம் பயமும் பாதிப்பும் அதிகம் தான்.

புற்று நோய் என்றால் என்ன?

உடலுக்கு அடிப்படையாக உள்ள உயிரணுக்களை பாதிக்கும் நோயைத்தான் புற்று நோய் என்கிறோம்.

புற்றுநோய் ஒரு தொற்று நோய் அல்ல. ஆண்களுக்கு கழுத்து மற்றும் தொண்டை, நுரையீரல், வயிறு, குடல், உணவுக்குழாய், பிராஸ்ட்ரேட் சுரப்பிகளிலும், பெண்களுக்கு மார்பகம், கர்ப்பப்பை ஆகியவற்றிலும் அதிகமாக புற்றுநோய் வருகிறது.

நம் உடல் பல வகையான உயிரணுக்கலால் ஆனது. உடல் வளர, ஆரோக்கியமாக இருக்க இந்த உயிரணுக்கள் வளர்ந்து பெருகி, மேலும் பல உயிரணுக்களை உருவாக்குகின்றன. இந்த சீரான பணியில் ஏதேனும் தவறு ஏற்படும்போது புதிய உயிரணுக்கள் உருவாகி விடுகின்றன. பழைய உயிரணுக்கள் அவற்றின் கால அளவை மீறி உயிர் வாழ்ந்து விடுகின்றன. இந்த அதிகப்படியான உயிரணுக்கள் உடலில் கட்டியாக தோன்றுகின்றன.

எல்ல கட்டிகளுமே புற்றுநோய் கட்டிகள் அல்ல. புற்றுநோய் அல்லாத கட்டிகளால் உயிருக்கு ஆபத்து இல்லை. இத்தகைய கட்டிகளை அறுவை சிகிச்சை மூலம் அகற்றினால் மீண்டும் தோன்றுவதில்லை. அவை உடலின் மற்ற பாகங்களுக்குப் பரவுவதில்லை. சிகிச்சையற்ற நிலையில் புற்றுநோய் உயிரணுக்கள் கட்டுப்பாடின்றி வளர்கின்றன. அவை சுற்றியுள்ள மற்ற திசுக்களை ஆக்கிரமித்து அழிகின்றன. இரத்தம் மாற்று நிணநீர் வழியாக உடலின் மற்ற பகுதிகளுக்கும் பரவுகின்றன. இதனால் உறுப்பின் இயக்கங்கள் பாதிக்கப்பட்டு இறப்பு ஏற்படுகின்றன.

புற்றுநோயின் ஆரம்ப அறிகுறிகள் (Cancer Symptoms)

உடலில் புற்றுநோய் ஏற்படும் பாகத்தை பொறுத்து அறிகுறிகள் மாறுபடும். கீழ்கண்ட அறிகுறிகள் புற்றுநோய் தவிர மற்ற நோய்களிலும் ஏற்படலாம். எனவே இந்த அறிகுறிகள் இருந்தால், மருத்துவரை அணுகிப் பரிசோதித்துக் கொள்வது நல்லது

குரலில் திடீர் மாற்றம், தொடர் இருமல், குரலில் கரகரப்பு
முழுங்குவதில் தொடர் சிரமம்
தொண்டையில் அடைப்புப் போல் தோன்றுதல்
நாக்கை அசைப்பதில் சிரமம்
உடலில் கட்டி தோன்றுதல், புற்றுநோயில் ஆரம்ப கட்டத்தில் வலி ஏற்படுவதில்லை, பரவிய பிறகுதான் வலி ஏற்படும் காரணமில்லாமல் எடை குறைவு

புற்றுநோய்க்கு முந்தைய நிலையை எவ்வாறு கண்டுகொள்வது

உதாரணமாக….

வாயில் தோன்றும் புற்றுநோய்கள்
புகை மற்றும் புகையிலை பழக்கம் உள்ளவர்கள் மாதத்துக்கு ஒரு முறையாவது தாங்களே கண்ணாடியின் உதவியுடன் வாயைப் பரிசோதித்துக்கொள்வது நல்லது
ஆறாத புண்
கட்டி, தடிப்பு,
ஈறு, நாக்கு மற்றும் வாயின் பிற பகுதிகளில் வெள்ளை அல்லது சிவப்பு நிறமாகுதல்

புற்றுநோயை தடுக்க முடியுமா?

புற்றுநோயை தடுக்க உத்திரவாதமான முறை எதுவும் இல்லை. அனால், சரியான வாழ்க்கை முறையின் மூலம் நோய் ஏற்படும் வாய்ப்பை பெருமளவில் குறைக்க முடியும்
புகையிலைப் பொருட்களைப் (சிகரெட், பீடி, பான் வகைகள்) பயன்படுத்தாமை மது மற்றும் புகை பிடிக்கும் பழக்கம் ஒரு சேர இருப்பது தொண்டைப்புண்களின் வாய்ப்பை அதிகரிக்கும்
குறைந்த கொழுப்பு, அதிக காய்கறி, பழம் முழுமையான தானியங்கள் உட்டகொள்ளுதல் மற்றும் பதப்படுத்தப்பட்ட உணவுவகைகளைத் தவிர்த்தல்.
உடல் பருமன் அதிகமாகாமல் பார்த்துக்கொள்ளுதல்
வைரஸ்களால் ஏற்படும் குறிப்பிட்ட புற்றுநோய்களை தடுப்பூசி மூலம் தடுக்கலாம்

சிகிச்சை முறைகள்

உடலில் கட்டி உள்ள இடம், நோய் பரவியுள்ள நிலை, நோயாளியின் வயது, உடல் நிலை போன்றவற்றை பொறுத்து சிகிச்சை வேறுபடுகிறது.

அறுவை சிகிச்சை- இது கட்டியை அகற்றுவதற்காக செய்யப்படுவது

கதிரியக்கச் சிகிச்சை (Radiotherapy) – இந்த சிகிச்சை முறையில் சக்தி வாய்ந்த கதிர் மூலம் புற்றுநோய் உயிரணுக்கள் கொள்ளப்படுகிறது

கீமோதெரப்பி(Chemotherapy) – மருந்துகள் மூலம் சிகிச்சை அளிக்கப்படுவது

சிறுநீரகம்

சாதாரணமாக நமது இரு சிறுநீரகங்களும் தினமும் 50க்கும் மேற்பட்ட விஷத்தன்மை உள்ள கழிவுகளை நம் உடலில் இருந்து வெளியேற்றி வருகின்றன. சிறுநீரகம் செயலிழக்க ஆரம்பித்தாள் நம் உடலில் நீர் மற்றும் இதர நச்சு பொருட்களின் அளவு அதிகமாகும். அதனால் இரத்த அழுத்தம் அதிகரிப்பதுடன் மூச்சுதிணறல் மற்றும் இருதய வீக்கம் ஏற்படும். இதை மருந்துகளால் மட்டுமே முழுமையாக குணமாக்க முடியாது.

பாதிப்பு அதிகரிக்கும் போது நோயாளிகள் டையாலிசிஸ் (இரத்த சுத்திகரிப்பு) செய்து கொண்டால் அதன் மூலம் உடலில் தேங்கிய கழிவுகள் வெளியேற்றப்பட்டு சகஜ நிலைக்கு வரமுடியும். டையாலிசிஸ் நிரந்தர குணம் தராது. எனவே, சிறுநீரக பாதிப்பிலிருந்து விடுபட சிறுநீரக மாற்று அறுவை சிகிச்சை செய்து கொள்வது மட்டும் தான் நிரந்தர தீர்வாக அமைகிறது.

சிறுநீரக கோளாறு உள்ளவர்கள் டையாலிசிஸ் நிலைக்கு போகும் முன்பே சிறுநீரக மாற்று அறுவை சிகிச்சை(பிரெவேன்டிவ் ட்ரான்ஸ்பிளான்டேஷன்) செய்து கொண்டால் அவர்கள் ஆயுள் காலம் நீருக்கும். அதுமட்டும் அல்லாமல் மாற்றி வைக்கப்பட்ட சிறுநீரகத்தின் ஆயுட் காலமும் நீண்ட காலம் நீடிக்கும்.
இந்த அறுவை சிகிச்சை செய்து கொள்ள முதலில் அவர்கள் தங்களை முழுமையாக பரிசோதித்துக்கொள்ள வேண்டும். அதன் பிறகு இரத்த சம்மந்தப்பட்ட உறவினர்களிடம் இருந்து சிறுநீரகம் தானம் பெற்று சிறுநீரக மாற்று அறுவை சிகிச்சையை செய்து கொள்ளலாம். சிலசமயம் சிறுநீரக தானம் செய்வோரின் இரத்த குரூப் வேறாக இருக்கும். முன்பெல்லாம் வேறு வேறு இரத்த குரூப் உள்ளவர்களிடமிருந்து சிறுநீரகம் பெற்று பொருத்தினால் அதை உடல் ஏற்க மறுத்து பயனற்று போகும் நிலை இருந்தது.

தற்போது நவீன சிகிச்சை மூலம் இரத்த குரூப் பொருந்தவிட்டாலும் சிறுநீரக மாற்று சிகிச்சை செய்ய முடியும். பிளாஸ்மாபிரிஸிஸ் என்னும் சிகிச்சை முறையால் தம் உடலில் உள்ள கெடுதல் செய்யும் ஆன்டிபாடீஸ்களை அகற்றி விட்டு அதன் பின்பு அவர்களுக்கு சிறுநீரக மாற்று அறுவை சிகிச்சை செய்தால் எந்த இரத்த குரூப் சிறுநீரகத்தையும் நம் உடல் ஏற்று கொள்ளும்.

இந்த முறையான சிகிச்சை மூலம் 90 சதவீதத்திற்கும் மேலான சிறுநீரக மாற்று அறுவை சிகிச்சைகளை வெற்றிகரமாக செய்ய முடியும். முக்கியமாக இந்த வகை சிகிச்சையினால் பயப்படும்படியான பக்க விளைவுகள் இல்லை என்று உறுதி செய்யப்பட்டுள்ளது.

சிறுநீரக பாதிப்பு உள்ளவர்கள் தங்கள் உடலில் ஹீமோகுளோபின் அளவு 10 என்ற அளவிற்கு கீழ் இறங்காமல் பார்த்து கொள்ள வேண்டும். உயிருக்கு ஆபத்தான நிலை ஏற்பட்டால் தவிர இரத்தம் ஏற்றக்கூடாது. HLA ஆன்டிபாடி உள்ள நோயாளிகளுக்கு பிளாஸ்மாபிரிஸிஸ் மற்றும் RITUXIMAB மருந்து சிகிச்சையின் மூலம் இந்த ஆன்டிபாடி அளவை குறைத்து சிறுநீரக மாற்று அருவை சிகிச்சையை வெற்றிகரமாக செய்ய முடியும்.

இருமுவதால் மாரடைப்பில் இருந்து தப்ப முடியுமா?

குமரன் மெடிக்கல் சென்டர் இருதய சிகிச்சை நிபுணர் டாக்டர்.ஈஸ்வரன் விளக்கம்.

சமீப காலமாக சமூக வலைதளங்களில் ஒரு குறுஞ்செய்தி பரவி வருகிறது.அதில் மாரடைப்பு ஏற்படும் போது, தொடர்ந்து இருமுவதால் மாரடைப்பை தவிர்க்கலாம் என உள்ளது. இது பற்றி குமரன் மெடிக்கல் சென்டர் இருதய சிகிச்சை நிபுணர் டாக்டர்.ஈஸ்வரன் கூறிய விளக்கம் பின்வருமாறு.

இருதயம் என்பது , உடலில் உள்ள உறுப்புகளுக்குத் தேவையான இரத்தத்தை, இரத்த நாளங்கள் மூலமாக கொண்டு செல்கிறது. இருப்பினும், அது இயங்குவதற்கும், அதன் தசைகள் சுருங்கி விரிந்து இரத்தத்தை உந்துவதற்கும் தேவையான சக்தி மூன்று முக்கிய இரத்த நாளங்கள் மூலமாக இருதயத்திற்கு செல்கிறது. இந்த மூன்று முக்கிய இரத்த நாளங்களில் ஏற்படும் 100% அடைப்பு தான் மாரடைப்பு உண்டாவதற்கான காரணம்.
அவ்வாறு மாரடைப்பு ஏற்படுவதனால் இருதய தசைகளுக்கு, இரத்தம் மற்றும் ஆக்சிஜன் கிடைக்காமல். அது செயலிழந்து, இருதயத்தின் உந்து சக்தி(பம்பிங்) குறைந்துவிடும்(PUMP FAILURE). இருதய தசைகளின் தன்மையில் ஏற்படும் மாற்றங்களினாலும், சில ரசாயன மாற்றங்களினாலும், இருதய துடிப்பில் சில பிரச்சனைகள் ஏற்படலாம். இருதய துடிப்பு, சீரான தன்மை இல்லாமலும் எண்ணிக்கை மிக குறைந்தோ அல்லது மிக அதிகமாகவோ மாறலாம். இது அரித்மியா (ARRHYTHMIA) எனப்படும். இறுதியாக இருதயம் துடிப்பதை நிறுத்திவிடும். இது கார்டியாக் அரெஸ்ட் (CARDIAC ARREST) எனப்படும்.

இருதயத்தின் உந்துசக்தி மிகவும் குறையும் போதோ (PUMP FAILURE), இருதய துடிப்பில் மாற்றங்கள் ஏற்படும்போதோ(CARDIAC ARRHYTHMIA) , கார்டியாக் அரெஸ்ட் (CARDIAC ARREST) ஏற்படும் போதோ, மூளைக்கு செல்லும் இரத்தத்தின் அளவு குறைந்து ஒருவர் மயக்க நிலையை அடைந்து விடுவார்கள். அந்த சூழ்நிலை, அவர் இறக்கும் தருவாயில் உள்ளார் என்பதற்கான அறிகுறி. அப்போது, அவசர மருத்துவ உதவி மட்டுமே ஓரளவுக்கேனும் பயன்படும்.அப்போது அவருக்கு CPR எனப்படும் (CARDIO PULMONARY RESUSCITATION) இருதய அவசர சிகிச்சை அளிக்கப்பட வேண்டும். இச்சிகிச்சை மருத்துவத்துறையை சேர்ந்தவர்களோ அல்லது பயிற்சி பெற்ற பொது மக்களோ மட்டுமே அளிக்க வேண்டும். உடனடியாக மருத்துவ உதவியை நாடுவது மட்டுமே சிறந்த வழிமுறையாகும்.

இருமுவதால் என்ன நடக்கிறது என்பதை இப்போது பார்ப்போம். தொடர்ந்து இருமுவதனால், நெஞ்சு கூட்டிற்குள் ஏற்படும் காற்றழுத்த மாற்றங்களினால், மூளைக்கு செல்லும் இரத்தம் சிறிது அதிகப்படுத்தப்படும். மருத்துவ கண்காணிப்பில் இருக்கும் ஒருவருக்கு திடீர் என்று இருதய துடிப்பு சம்மந்தமான பிரச்சனை ஏற்படும் போது, அதை சரி செய்ய எடுக்கப்படும் முயற்சிகள் பயனளிக்க ஒரு சில மணித்துளிகள் காலதாமதம் ஆகும்.
அந்த இடைப்பட்ட நேரத்தில், நோயாளி மயக்கம் அடையாமல் இருப்பதற்காக, அவரை இருமச்சொல்லி சுயநினைவுடன் வைத்திருக்க முடியும். இது மட்டுமே மருத்துவத் துறைகளினால் அங்கீகரிக்கப்பட்ட சிகிச்சை முறையாகும். தொடர்ந்து இருமுவதற்கு, முதலில் நோயாளி முழு சுயநினைவுடன் இருக்க வேண்டும். CARDIAC ARREST ஏற்படும் பெரும்பாலான நேரங்களில், ஒருவர் சுயநினைவை இழந்து விடுவதினால் இது சாத்தியம் ஆகாது.

முழு சுயநினைவுடன், நெஞ்சுவலி மட்டுமே இருக்கும் ஒருவருக்கு தொடர்ந்து இருமும் தேவை இருக்காது. தொடர்ந்து இருமுவது மாரடைப்பை தவிர்க்காது மற்றும் மாரடைப்பை சரிசெய்யாது.

மாரடைப்பின் அறிகுறிகள் ஏற்பட்ட பின் ஒருவர் செய்ய வேண்டியவை பற்றி இப்போது பார்ப்போம்.

உடனடியாக கடினமான வேலைகள் செய்வதை நிறுத்த வேண்டும்.
உடனடியாக படுக்க வேண்டும்.
மருத்துவ உதவியை (AMBULANCE /108) அழைக்க வேண்டும்.
அமைதியாக, சாந்தமாக பதற்றம் இல்லாமல் இருப்பது முக்கியம்.
உடல் தசைகளை இறுக்கம் இல்லாமல் தளர்வான நிலையில் வைத்திருக்க வேண்டும்.
மிக அருகில் உள்ள மருத்துவரை அணுகி, மாரடைப்பை உறுதிசெய்து, அதற்கான முதலுதவி மருந்துகளை (LOADING DOSE ) உட்கொள்ள வேண்டும்.
மிக விரைவாக, 24 மணி நேரமும் அவசர இருதய சிகிச்சை அளிக்கக்கூடிய மருத்துவமனைக்குச் சென்று, இருதய இரத்தக் குழாயில் உள்ள அடைப்பை சரிசெய்யும் சிகிச்சை (ஆஞ்சியோபிளாஸ்ட்டி) செய்ய வேண்டும்.
மாரடைப்பு ஏற்பட்ட பின், சிகிச்சைக்காக, நெடுந்தூரம் பயணம் செய்வதை தவிர்க்க வேண்டும்.
காலவிரயம் என்பது, இதய தசைகளை செயல் இழக்க செய்துவிடும். எனவே நோயாளி இருக்கும் இடத்திற்கு அருகில் உள்ள ஆஞ்சியோபிளாஸ்ட்டி சிகிச்சை மையத்திற்கு அழைத்து சென்று அடைப்பை நீக்குவதே அவருக்கு நாம் செய்யும் பேருதவி ஆகும்.

குதிகால் வலி

குதிகால் வலி என்பது பலருக்கு அன்றாட வாழ்க்கையில் ஒன்றாக மாறிவிட்ட பிரச்சினையாகவே உள்ளது. அதிகாலை எழுந்தவுடன் கால்களை தரையில் வைக்கவே ஐந்து நிமிடம் யோசிக்கும் அளவுக்கு குதிகால் வலி இருக்கும். ஆனால் சில மணி நேரம் வலியை பொறுத்துக்கொண்டு நடக்கத் தொடங்கிவிட்டால் வலி குறைந்துவிடும். நாள் முடிந்த பின் திரும்ப படுக்கைக்கு திரும்பும்போது மீண்டும் குதிகால் வலி வரும்.

இந்த பிரச்சனைக்கு பிளாண்டார் பேசியையைட்டிஸ் (Plantar Fasciitis) என்று பெயர். குதிகால் எலும்பிலிருந்து பாதத்தின் விரல்களுக்கு மீண்டும் நீளும் சதை கொத்தின் பெயர்தான் பிளான்றார் பேசியா(Plantar Fascia). நாம் கால் ஊன்றி நடக்கும் போது நமது பாதத்திற்கும் தரைக்கும் இடையே இந்த சதை கொத்து தான் சதை விரிந்தும் சுருங்கியும் கொடுத்து நம் நாம் நன்றாக கால்பதித்து நடக்க உதவுகிறது. இந்த சதை கொத்து குதிகால் எலும்பும் சேரும் இடத்தில் அழுத்தம் உண்டாகி நீர் கோர்த்துக்கொண்டு விடுவதே (Inflammation) வலி ஏற்பட காரணம்.

யாருக்கு வரலாம்

பொதுவாக அதிக உடல் பருமன் உள்ளவர்கள்

*அதிக நேரம் கரடுமுரடான தரையில் நடப்பவர்கள்
*சர்க்கரை நோயாளிகள்
*தைராய்டு பிரச்சனை உள்ளவர்கள்
*யூரிக் அமிலம் பிரச்சனை உள்ளவர்கள்
*முடக்குவாதம் உள்ளவர்கள்
*தட்டை பாதம் உள்ளவர்கள்

பொதுவாக 30-40 வயதிற்குட்பட்ட ஆண் பெண் இருவருக்கும் வரலாம். பெண்களுக்கு இந்த பாதிப்பு சற்று அதிகமாகவே வரலாம்.

High Heels செருப்புகள் கூட சில சமயம் இந்த பிரச்சனைக்கு காரணம் ஆகலாம் .

கண்டுபிடிக்கும் வழிமுறைகள்

நோயாளிகளின் பிரச்சனைகளை(Symptoms) கொண்டே எளிதில் கண்டறியலாம். ஆனாலும் X-RAY, ரத்தப் பரிசோதனைகள், MRI போன்றவைகளும் தேவைப்படலாம்.

சிகிச்சை முறைகள்

1.செருப்பு மாற்றம் கடினமான செருப்புகளை மாற்றிவிட்டு மிருதுவான இலகுவான MCR செருப்புகளை வீட்டுக்குள்ளேயும் அலுவலகத்திலும் அணிய வேண்டும். இதனால் காலில் உண்டாகும் அழுத்தம் குறைகிறது.

2.அதிகாலை எழுந்தவுடன் இரண்டு கால்களையும் மித சூடான தண்ணீர் உள்ள பாத்திரத்தில் மூழ்க வைத்துக் கொண்டு விரல்களை உள் பக்கமாக இழுத்து விடுவதன் மூலம் வலி நன்றாக குறைந்து விடும். மேற்சொன்ன வழிமுறையை பதினைந்து இருபது நிமிடம் அன்றாடம் செய்ய வேண்டும்.

3.உங்கள் மருத்துவர் சிறிது நாட்களுக்கு வலி நிவாரணி மாத்திரைகளை கொடுத்தும் இந்த குதிகால் வலி மற்றும் வீக்கத்தை குறைப்பார்.

பிசியோதெரபி வழியில் அல்ட்ராசவுண்ட் வேவ்ஸ் (Ultra Sound Therapy) கொண்டும் வலியை குறைக்கலாம்.

4.இந்த சிகிச்சை முறைகளிலும் சரியாக குதிகால் வலிக்கு சில சமயம் ஸ்டீராய்டு ஊசி (Local Steroid Injection) தேவைப்படலாம். அதுவும் ஒரு இரண்டு மூன்று முறைகளுக்கு மட்டுமே உதவும்.

5.அப்போதும் சரியாக நாட்பட்ட குதிகால் வலிக்கு அறுவை சிகிச்சையே தீர்வாக அமையும். ஆனால் வெகு சிலருக்கே அறுவை சிகிச்சை தேவைப்படும் . ஆனால் பொதுவாக அறுவை சிகிச்சை இல்லாமலே சரிசெய்து கொள்ளலாம்.

புற்று நோய்

சிறுநீரகம்

இருமுவதால் மாரடைப்பில் இருந்து தப்ப முடியுமா?

குதிகால் வலி

Myths and Facts of Covid-19

Hernia

Types of Hernia

Tips